ზიანის შემცირების საქართველოს ქსელი გილოცავთ ახალ, 2019 წელს და გისურვებთ ბედნიერებას!
შეხვედრა ზიანის შემცირების საქართველოს ქსელში
23 ივნისს, ზიანის შემცირების საქართელოს ქსელის ოფისში შიდსთან, ტუბერკულოზსა და მალარიასთან ბრძოლის გლობალური ფონდის პორტფელის მენეჯერთან ცოვინარ საკანიანთან შეხვედრა გაიმართა. შეხვედრა მიზნად ისახავდა გლობალური ფონდის გასვლის შემდგომ სახელმწიფოს მიერ ვალდებულებების აღების საკითხში მდგრადობას და გარდამავალი გეგმის შემუშავებაში სამოქალაქო სექტორის ჩართვის შესაძებლობებსა და მნიშვნელოვნებას.
შეხვედრას ზიანის შემცირების საქართველოს ქსელის აღმასრულებელი დირექტორი კახა კვაშილავა უძღვებოდა. მან მიღწეული შედეგების და არსებული გამოწვევების შესახებ ისაუბრა. გარდამავალ პერიოდში სამოქალაქო საზოგადოების როლზე გლობალური ფონდის პორტფელის მენეჯერმა ცოვინარ საკანიანმა ისაუბრა და ყურადღება გაამახვილა ამ პერიოდში სამოქალაქო საზოგადოების როლზე, სახელმწიფოს, არასამთავრობო და პატიენტთა ორგანიზაციების წარმომადგენელთა ერთობლივი კოორდინირებული მუშაობის მნიშვნელობაზე. ღონისძიებაზე არასამთავრობო ორგანიზაციები წარმომადგენლების და ექპერტების მიერ წარმოდგენილი იყო პრეზენტაციები თემებზე.
განხილული იქნა შემდეგი საკითხები: აივისა და ტუბერკულოზის ეროვნული პასუხის მდგრადობა; გარდამავალი პერიოდი ფაზები და შესაბამისი საჭიროებები; მიმდინარე პოლიტიკური დიალოგი ახალი სისტემების თაობაზე ყველა დაინტერესებული მხარის მონაწილეობით; დიალოგი ფინანსური რესურსის გადანაწილების თაობაზე; შესაძლებლობების გაძლიერება ახალი როლისა და პასუხისმგებლობის შესასრულებლად; ახალი როლისა და პრაქტიკის ტესტირება რეალურ გარემოში; ცვლილებების მონიტორინგი და გეგმის ადაპტირება საჭიროების მიხედვით.
შეხვედრაზე მონაწილეებმა იმსჯელეს ამ პერიოდის გამოწვევებზე და განიხილეს სამომავლო გზები.
იხილეთ ფოტო - https://www.dropbox.com